Test
Download document

DANIEL, Arnaut



Lo ferm voler q’el cor m’intra



Lo ferm voler q’el cor m’intra

no-m pot jes becs escoissendre ni ongla

de lausengier qui pert per maldir s’arma

e car non l’aus batr’ab ram ni ab verga

sivals a frau lai on non aurai oncle

jauzirai joi en vergier o dinz cambra.


Qan mi soven de la cambra

on a mon dan sai que nuills hom non intra

anz me son tuich plus que fraire ni oncle

non ai membre no-m fremisca neis l’ongla

aissi cum fai l’enfas denant la verga

tal paor ai no-l sia trop de l’arma


Del cor li fos non de l’arma

e cossentis m’a celat dinz sa cambra

que plus mi nafra-l cor que colps de verga

car lo sieus sers lai on ill es non intra

totz temps serai ab lieis cum carns et ongla

e non creirai chastic d’amic ni d’oncle.


Anc la seror de mon oncle

non amei plus ni tant per aquest’arma

c’aitant vezis cum es lo detz de l’ongla

s’a liei plagues volgr’esser de sa cambra

de mi pot far l’amors q’inz el cor m’intra

mieills a son vol c’om fortz de frevol verga.


Pois flori la seca verga

ni d’En Adam mogron nebot ni oncle

tan fin amors cum cella q’el cor m’intra

non cuig fos anc en cors ni neis en arma

on qu’ill estai fors en plaz’ o dins cambra

mos cors no-is part de lieis tan cum ten l’ongla.


C’aissi s’enpren e s’enongla

mos cors en lei cum l’escross’en la verga

qu’ill m’es de joi tors e palaitz e cambra

e non am tan fraire paren ni oncle

q’en paradis n’aura doble joi m’arma

si ja nuills hom per ben amar lai intra.


Arnaut tramet sa chansson d’ongl’ e d’oncle

a grat de lieis que de sa verg’ a l’arma,

son Desirat cui pretz en cambra intra.



La ferme volonté qui au coeur m’entre

ne peut ni langue la briser ni ongle

de médisant qui perd à mal dire son âme

n’osant le battre de rameau ou de verge

en fraude seulement où je n’ai nul oncle

je jouirai de ma joie en verger ou chambre


Quand je me souviens de la chambre

où pour mon mal je sais que nul homme n’entre

mais tous me sont pires que frère ou qu’oncle

tremblent tous les membres jusqu’à l’ongle

ainsi que fait l’enfant devant la verge

tant j’ai peur de n’être assez sien dans mon âme


Ah que je sois sien dans le corps non l’âme

et qu’elle m’accueille en secret dans sa chambre

plus me blesse le coeur que coup de verge

d’être son serf qui là où elle est n’entre

toujours je serai près d’elle comme chair et ongle

n’écoutant aucun reproche d’ami ni d’oncle


Jamais la soeur de mon oncle

je n’aimerai tant ou plus par mon âme

aussi proche qu’est le doigt de l’ongle

s’il lui plaisait je voudrais être dans sa chambre

il peut faire de moi l’amour qui dans mon coeur entre

à son gré comme homme fort de faible verge


Depuis qu’a fleuri la sèche verge

que du seigneur Adam est descendu nain ou oncle

en amour comme celui qui dans mon coeur entre

je ne crois pas qu’il en fut dans un corps ni dans une âme

où qu’elle soit sur la place ou dans la chambre

on coeur sera moins loin que l’épaisseur d’un ongle


Qu’ainsi s’enracine revienne ongle

mon coeur en elle comme écorce en la verge

elle m’est de joie tour et palais et chambre

je n’aime tant frère parent ni oncle

en paradis aura double joie mon âme

si jamais homme d’avoir aimé y entre


Arnault finit sa chanson d’ongle et d’oncle

pour plaire à celle dont la verge est l’âme

son Desirat son prix entre sa chambre