Test
Download document

BREYTENBACH, Breyten


Allerliefste, ek stuur vir jou 'n rooiborsduif

Allerliefste, ek stuur vir jou 'n rooiborsduif

want niemand sal 'n boodskap wat rooi is skiet nie.

Ek gooi my rooiborsduif hoog in die lug en ek

weet al die jagters sal dink dis die son.

Kyk, my duif kom op en my duif gaan onder

en waar hy vlieg daar skitter oseane

en bome word groen

en hy kleur my boodskap so bruin op jou vel

Want my liefde reis met jou mee,

my liefde moet soos 'n engel by jou bly

soos vlerke, wit soos 'n engel.

Jy moet van my liefde bly weet

soos van die vlerke waarmee jy nie kan vlieg nie.



die tongvervreemding


wanneer jy die moedertong

in my mond laat verdor

neem jy die wêreld weg

verduister jy my geheue

maak jy dat ek as vreemdeling

en sonder ’n eie paar skoene

die toekoms moet ondergaan

wat ek nie meer fatsoeneer nie

wat ek nog net interpreteer

en nie penetreer nie


wanneer jy die taal

van my wegneem

ruk jy die hart uit my drome

om dit te vervang

met die mondmaniere

van ’n tong wat nog net

die blinde werk van miere kan doen


wanneer jy van my ’n massasyfer maak

om soos ’n gefuikte papegaai

te pik-pik na sy nabootsing

maak jy dat ek ’n weesmens is

in die leë huis van my vaders

sonder taal om my afwesigheid te beween




Verslag


ek het paartjies gesien wat in deure soen

en omdraai met oop monde ek het oor

brûe geloop en mense daaronder gehoor hoes

ek het grysaards gesien wat in taxi’s ry

en deur reëndik ruite uitkyk na geboue wat

nie meer daar is nie. sneeu in die winter

en druiwe in die somer maar ek

onthou nie meer veel daarvan nie


ek het die middernagson gesien en

voëls van alle groottes en visse in die

water en die suiderkruis bo ‘n berg en

katte met stewels en dronk vroue en

bome naak van bloeisels. sneeu in die winter

en druiwe in die somer maar ek

onthou nie meer veel daarvan nie


ek het ook hane hoor kraai en

die roep van treine en stemme in my

bed en gode op die dak en ek het

drake gesien in dieretuine en die baarde

van vriende en ek het die son geruik.

sneeu in die winter en druiwe in die somer

maar ek onthou nie meer veel daarvan nie

maar ek onthou nie meer veel daarvan nie


Verslag

ik heb paartjes in deuropeningen zien zoenen

en zich met open mond zien omdraaien ik heb over

bruggen gelopen en heb mensen daaronder horen hoesten

ik heb grijsaards gezien die in taxi’s reden

n door regendikke ruiten naar gebouwen keken die

r niet meer waren. sneeuw in de winter

en druiven in de zomer maar ik
herinner mij er niet veel meer van

ik heb de middernachtzon gezien en
vogels van alle formaten en vissen in het

water en het Zuiderkruis boven een berg en

katten met laarzen en dronken vrouwen en

bomen ontbloot van bloesems. sneeuw in de winter

en druiven in de zomer maar ik

herinner mij er niet veel meer van

ik heb ook hanen horen kraaien en

de roep van treinen en stemmen in mijn
bed en goden op het dak en ik heb/

draken gezien in dierentuinen en de baarden

van vrienden en ik heb de zon geroken.

sneeuw in de winter en druiven in de zomer

maar ik herinner mij er niet veel meer van

maar ik herinner mij er niet veel meer van