Test
Download document

ANONIEM – Aloeette

Aloeette, voghel clein,
Dijn nature es zoet ende rein,
So es dijn edel zanc.
Daer dienstu met den here allein
Te love om sinen danc.

Daer omme ben ic met di ghemein;
Ander voghel willic ghein
Dan di, mijn leven lanc.

Aloeette, voghel clein,
Dijn nature es zoet ende rein,
So es dijn edel zanc.

Nider boos, onreine vilein,
De rouc die es wel dijn compein,
Neemt dien in u bedwanc!
Laet minlic hertzen sijn bi eyn
Sonder loos bevanc.

Aloeette, voghel clein,
Dijn name es zoet ende rein;
So es dijn edel zanc.
Daer dienstu met den here allein
Te love om sinen danc.