CAPALDO,Giuseppe

Comme facette mammeta?

Quanno mammeta t'ha fatta,

Quanno mammeta t'ha fatta,

Vuò sapè comme facette?

Vuò sapè comme facette?

Pe' 'mpastà 'sti ccarne belle,

Pe' 'mpastà 'sti ccarne belle,

Tutto chello ca mettette,

Tutto chello ca mettette:

Ciente rrose 'ncappucciate

Dint' â martula mmiscate;

Latte e rrose, rrose e latte,

Te facette 'ncopp' ô fatto.

Nun c'è bisogno 'a zingara

P'addivinà, Cuncè.

Comme t'ha fatto mammeta

'O ssaccio meglio 'e te.

E pe' fà 'sta vocca bella,

E pe' fà 'sta vocca bella

Nun servette 'a stessa addosa,

Nun servette 'a stessa addosa.

Vuò sapè che nce mettette?

Vuò sapè che nce mettette?

Mò te dico tuttocosa,

Mò te dico tuttocosa:

'Nu panaro, chino chino,

Tutt' 'e fravule 'e ciardino,

Mele, zuccaro e cannella

Te 'mpastaje 'sta vocca bella.

Nun c'è bisogno 'a zingara

P'addivinà, Cuncè.

Comme t'ha fatto mammeta

'O ssaccio meglio 'e te.

E pe' fà 'sti ttrezze d'oro,

E pe' fà 'sti ttrezze d'oro

Mamma toja s'appezzentette,

Mamma toja s'appezzentette.

Bella mia, tu qua' muneta?

Bella mia, tu qua' muneta?

Vuò sapè che nce servette?

Vuò sapè che nce servette?

'Na miniera sana sana

Tutta fatta a filagrana

Nce vulette pe' 'sti ttrezze,

Ch'a vasà, nun ce sta prezzo.

Nun c'è bisogno 'a zingara

P'addivinà, Cuncè.

Comme t'ha fatto mammeta

'O ssaccio meglio 'e te.